ಬ್ರಹ್ಮಾಸ್ತ್ರ

 ಬೇಕಾಗುವ ಸಾಮಗ್ರಿಗಳು 

1. 5 ಕಿ.ಗ್ರಾಂ ಬೇವಿನ ಎಲೆ 
2. 2 ಕಿ.ಗ್ರಾಂ ಹಾಗಲ ಎಲೆ 
3. 2 ಕಿ.ಗ್ರಾಂ ಲಕ್ಕಿ ಎಲೆ 
4. 2 ಕಿ.ಗ್ರಾಂ ಔಡಲ ಎಲೆ 
5. 2 ಕಿ.ಗ್ರಾಂ ಪೇರಲ ಎಲೆ 
6. 2 ಕಿ.ಗ್ರಾಂ ಪಾರ್ಥೇನಿಯಂ ಎಲೆ 
7. 2 ಕಿ.ಗ್ರಾಂ ಹೊಂಗೆ ಎಲೆ 
8. 2 ಕಿ.ಗ್ರಾಂ ಸೀತಾಫಲ ಎಲೆ 
9.  2 ಕಿ. ಗ್ರಾಂ ಲಂಟಾನ (ಚದರಂಗಿ) ಎಲೆ 
10. 2 ಕಿ.ಗ್ರಾಂ ದತ್ತೂರಿ (ಮದರಂಗಿ) ಎಲೆ 
11.  2 ಕಿ.ಗ್ರಾಂ ದಾಳಿಂಬೆ ಎಲೆ 

• 11 ಎಲೆಗಳ ಪೈಕಿ ಲಭ್ಯವಾಗುವ 5 ಬಗೆಯ ಎಲೆಗಳನ್ನು ರುಬ್ಬಿ ಚಟ್ನ ಮಾಡಿ 40 ರಿಂದ 50 ಕಿ.ಗ್ರಾಂ ಪದಾರ್ಥ ಕುದಿಯುವಂತಹ ದೊಡ್ಡ ಮಣ್ಣಿನ ಹರಿವೆಯಲ್ಲಿ ಅಥವಾ ತಾಮ್ರ ಹೊರತುಪಡಿಸಿ ಮುಚ್ಚಳ ಇರುವ ಯಾವದೇ ಲೋಹದ ಪಾತ್ರೆಯಲ್ಲಿ 20 ಲೀ. ದೇಶಿ ಆಕಳ ಗಂಜಲ ಹಾಕಿ 5 ಎಲೆಗಳ ಚಟ್ಟಿಯನ್ನು ಬೆರೆಸಿ ಚೆನ್ನಾಗಿ 4 ಉಕ್ಕುಗಳು ಬರುವ ತನಕ ಕುದಿಸಬೇಕು. ಹೀಗೆ ಕುದಿಸುವುದರಿಂದ 15 ಲೀ. ದ್ರಾವಣ ಮಾತ್ರ ಉಳಿಯುತ್ತದೆ. 
• ನಂತರ ಹರವಿಯನ್ನು ಒಲೆಯಿಂದ ಕೆಳಗೆ ಇಳಿಸಬೇಕು. 
• 2 ರಿಂದ 4 ದಿನಗಳ ಕಾಲ ತಂಪಾಗಲು ಬಿಟ್ಟು ಪ್ರತಿ ದಿನ 3 ಬಾರಿ ಕಟ್ಟಿಗೆಯಿಂದ ಪ್ರದಕ್ಷಿಣಾಕಾರವಾಗಿ ಚೆನ್ನಾಗಿ ತಿರುಗಿಸಬೇಕು. 
• ನಂತರ ಈ ಮಿಶ್ರಣವನ್ನು ಬಟ್ಟೆಯಿಂದ ಸೋಸಿ ಇನ್ನೊಂದು ಪಾತ್ರೆಯಲ್ಲಿ ಹಾಕಿ 3 ತಿಂಗಳುಗಳ ಕಾಲ ಸಂಗ್ರಹಿಸಿಡಬಹುದು. 
• ಬೆಳೆಯ ಎಲೆಗಳ ಕೆಳೆಗೆ ಹುಳುಗಳ / ತತ್ತಿ ಕಂಡಾಗ 200 ಲೀ. ನೀರು + 6 ಲೀ. ಬ್ರಹ್ಮಾಸ್ತ್ರ ಬೆರೆಸಿ ಸಿಂಪಡಿಸಬೇಕು.